Roscón de palabras Carlos Casares

Estas semanas estamos coñecendo e  traballando a Carlos  Casares , autor homenaxeado este  ano   polo Día das Letras Galegas.

 Despois de ler : Lolo anda en bicicleta, A Galiña azul, O can Rin e o lobo Crispín, ler pequenos textos doutras obras, xogar cos LIM elaborados polo Seminario GAlán , decidimos facer un  pasapalabra sobre todo o aprendido.

Primeiro debuxamos o rosco, puxémolo bonito coas cores azul e laranxa como A galiña azul e A laranxa máis laranxa....

De seguido comezamos  a elaborar preguntas ou definicións para cada unha das letras do acebecedario.

A continuación pegamos cada definición ou pregunta no seu sitio e puxemos as respostas dentro do sobre.

E para comprobar que todo estaba ben  xogamos na clase.

E para rematar  levámolo para o recuncho dedicado a Carlos Casares.

Quedades todos invitados a xogar co roscón: Carlos Casares, o amigo das palabras.

Encántanos esta actividade!!!