Que contenta estou! Esta fin de semana investigastedes moito, moito. A
proba está nos vosos descubrimentos: A Festa da lúa o festival do Medio Outono
e o calendario lunar.
Agora que estades preparando as vosas exposicións, quero agasallarvos con
unha lenda sobre a orixe do Festival do Medio Outono coñecida como:
A Lenda de
Chang´e y Houyi.
Hai moitos anos, había 10 soles que se
ían turnando para dar luz e calor a terra, de xeito que sempre había un sol
dando luz e calor a terra, e as colleitas eran abundantes grazas a luz e a calor
que nunca variaba de intensidade. Pero
chegou un día, no que os 10 soles, decidiron saír todos xuntos para demostrar o
seu poder sobre os humanos, e con tanta luz deslumbradora e tanta calor, as plantas, os animais e os homes
comezaron a morrer.
Houyi, era un mozo moi afecionado ao
tiro con arco que xamais fallaba unha diana. Ao ver o que estaba sucedendo,
saíu da súa casa e disparou nove frechas que ao instante apartaron aos nove,
dos dez soles brillantes. O sol que quedou é o único que nos ilumina e da calor.
Grazas a Houyi, a humanidade salvouse
de morrer abrasada.
Desde entón, Houyi converteuse nun heroe do país e conseguiu dúas menciñas, se comía unha, podía ser inmortal, se comía as
dúas, podía voar ao ceo e vivir alí sen morrer. Houyi quería compartilo coa súa
fermosa muller Chang´e e vivir
con ela feliz hasta sempre, pero non lle dixo nada.
Un día Chang´e atopou as menciñas e
tomounas. Vouo cara ao ceo e desde entón, vive soa na lúa coa única compañía
dunha árbore e un coello.